كلمات الاغنية :
اسرق ياخاين حقى دوقنى المرار
وابنى جدار الموت كمان حواليك
زود ليالى الظلم واحرمنى النهار
يومك ياظالم لسه مستنيك
يومك ياظالم زى ضلك من وراك
واهم تنسى الحر طعنات العبيد
فاكر هتوقف يوم فى الجامعة الحراك
من بعد كل جريح ومعتقل وشهيد
الجيل دا تاره نار بتشعل غضبته
أحرار وحلفوا يحرموا نهارك عليك
أحرار وحلفوا يحرموا نهارك عليك
ثاير وحلمى خلف سور وحديد
والسجن سادد عنه فسحة نور
ثابت وحقى مايحبسوش القيد
والموت مايرغمنى أعيش مكسور
نازل ومش خايف ومش راجع
غير لو بحقى وحقى ضى عنيك
الجيل دا تاره نار بتشعل غضبته
أحرار وحلفوا يحرموا نهارك عليك
أحرار وحلفوا يحرموا نهارك عليك
كافح ياصاحبى عشان أمانة عليك
دم اللى ماتوا لسه فى رقبتك
كافح بسيف صبرك وعزمك فيك
واطلب مداد النصر من ربك
كافح وخلى الروح على كفوفك
دول مهما عملوا الحق راجع بيك
الجيل دا تاره نار بتشعل غضبته
أحرار وحلفوا يحرموا نهارك عليك
أحرار وحلفوا يحرموا نهارك عليك